احلي كلام
يوميات مدرسة كمبيوتر الحلقة الثامنة 613623

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا يوميات مدرسة كمبيوتر الحلقة الثامنة 829894
ادارة المنتدي يوميات مدرسة كمبيوتر الحلقة الثامنة 103798

احلي كلام

منتدى احلي كلام يهتم بالصور والأفلام والأغاني و الموضوعات موضوعات دينية وسياسية وثقافية
 
الرئيسيةالبوابةالتسجيلدخول
يوميات مدرسة كمبيوتر الحلقة الثامنة Raj87729
يوميات مدرسة كمبيوتر الحلقة الثامنة MCt82324
يوميات مدرسة كمبيوتر الحلقة الثامنة KEu79455
يوميات مدرسة كمبيوتر الحلقة الثامنة QEB83471
يوميات مدرسة كمبيوتر الحلقة الثامنة Gtd83666
يوميات مدرسة كمبيوتر الحلقة الثامنة YcY84836
يوميات مدرسة كمبيوتر الحلقة الثامنة INY85743
يوميات مدرسة كمبيوتر الحلقة الثامنة HnZ85988
يوميات مدرسة كمبيوتر الحلقة الثامنة Oop86415
يوميات مدرسة كمبيوتر الحلقة الثامنة Xe786642

 

 يوميات مدرسة كمبيوتر الحلقة الثامنة

اذهب الى الأسفل 
كاتب الموضوعرسالة
محمد عبد السميع
Admin
محمد عبد السميع

عدد المساهمات : 282
تاريخ التسجيل : 17/07/2009

يوميات مدرسة كمبيوتر الحلقة الثامنة Empty
مُساهمةموضوع: يوميات مدرسة كمبيوتر الحلقة الثامنة   يوميات مدرسة كمبيوتر الحلقة الثامنة Icon_minitimeالثلاثاء أغسطس 11, 2009 2:27 pm


الحلقة الثامنة.... انا لازم اسيب المدرسة
♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️

بقى انا كان بقالى معاهم فترة و مستحمله قرفهم الا اليوم ده صممت و قلت هاسيب المدرسه يعنى هاسيب المدرسه

كنت طالعة الحصة زى كل مرة و انا جوايا امل و كلى تفاؤل
مش عارفه على ايه يعنى بس المهم طلعت
كتبت الدرس و كالعاده معظمهم ما كتبش ما اهتمتش وقلت كل واحد يعمل بأصلوا و خلينى احسن منهم
و هابتدى اشرح الدرس ما رضيوش يسكتوا كالعاده و ابتدوا يستظرفوا و يرخموا
بس انا اليوم ده كان مودى زى الزفت و ما كنتش فايقه لهم خالص و ما كانش فيا حيل استحمل قرفهم بالمرة
فوقفتلهم فى وسط الفصل و قلت لهم انا خلاص زهقت و مش مكملة معاكم جتكم القرف
و جيت اخرج من الفصل راح ولد واقفلى على باب الفصل
و قاللى و الله ما انتى خارجه
اوعى خرجنى بدل ما ارتكب جنايه النهارده
لأ مش هانسيبك تخرجى و انتى زعلانه
يا ابنى اوعى احسنلك
لأ عشان خاطرى ما تخرجيش كده طب ربنا ياخدنا كلنا لو ما قعدتيش
ايوة ربنا ياخدكم كلكم عشان انا استريح و زقيته و قولتلوا غور بقى من وشى
خرجت من الفصل و سيبت الحصة
لقيت الناظر فى وشى
رايحة فين يا ميس
مش هادخل الحصة يا مستر.... قولتها بمنتهى البرود
ما ينفعش يا ميس حصتك لازم تدخليها
لأ مش داخلة و بعدين هو انا اخدت ايه من المدرسة عشان يجيلى ضغط و لا سكر
ايه يا ميس الكلام الفارغ ده ما ينفعش تسيبى حصتك كده
روحت غايرة من وشه و نزلت و واحده زميلتى طلعت الحصة مكانى
و طبعاً زميلتى زعقت و عملت الواجب معاهم و هو اساسا كان فاضل على الحصة عشر دقايق
و اول ما نزلت انا ما قدرتش خلاص حسيت انى هاعيط من الغيظ و الفرسه
و نزلتلى بعد الحصة تقولى خلاص زبطتهملك
انا خلاص ما ليش دعوه بيهم تانى
يعنى ايه
يعنى ده اخر يوم ليا فى المدرسة انا مش جايه تانى
لأ مش جاية تانى ايه طب و 3 اعدادى
ربنا ياخد 3 اعدادى و اللى عايز يدرس لـ 3 اعدادى
انا قولت اللى عندى
و لسه ما كملتش لقيت باب المعمل بيتفتح و لقيت وفد من الفصل نازللى
حقك علينا يا ميس
غوروا من وشى انا مش طايقاكم
يا ميس و النبى خلاص
يا ابنى خلاص انا مش هاديكم تانى ان شاء الله يجيبوا لكم مدرس يديكم بالجزمة لكن انا بقى مش طالعة حصتكم تانى
يا ميس احنا بنحبك و الله
و انا بقى مش طايقاكم
لأ بتحبينا و باين علي عينيكى اهوه الحب بينط منهم
ليه يا حبيبى الننى بتاع عينى قلوب زى توم و جيرى
شوفتى بتهزرى اهوه يعنى مش زعلانه
لأ زعلانه و بجد ما بقتش طايقاكم امشوا بقى
لأ مش هانمشى غير لما نصالحك يعنى نعيطك و ما نصالحكيش
تـ ايه!!!!!! تعيطونى مين دى يالا اللى بتعيط
يا ميس ما هوه باين على عينيكى اهوه انك معيطه
لا يا حبيبى مش معيطه
أمال ايه اللى فى عينيكى ده ايه عرق من الحر
لا يا خفيف عندها تبول لا ارادى
خلاص بقى يا ميس ما تزعليش
يا ابنى الساعة بقت 3 ايه ما عندكوش بيوت و اهل يسألوا عليكم
لأ ما وراناش حاجه غيرك يا قمر و لازم نصالحك النهارده
و انا بقى ما باتصالحش
و قلت لزمايلى انا خلاص هاسيب المدرسة و روحت على البيت
بس اول ما وصلت زمايلى قعدوا يتصلوا بيا و يتحايلوا عليا عشان اجى تانى يوم و وعدونى يجيبولى حقى من العيال
روحت تانى يوم لقيت ولد مؤدب قوى نازللى المعمل
بيقول لى انا اسف على اللى حصل امبارح
يعنى انت يعجبك اللى حصل ده يا محمود
لأ ما يعجبنيش طبعاً حقك عليا
يعنى انت ما شفتش اللى خالد عمله
هو عمل ايه طيب
عمل ايه انت جالك زهايمر يالا ما شفتهوش و هو بيرد عليا ببجاحه
يا سلام ده واد قليل الأدب قوى
انت اهبل يا ابنى
يا ميس اصل انا كنت غايب امبارح و اول ما جيت العيال قالولى انك زعلانه فقلت لازم انزل اصالحك
يعنى انت كنت غايب
اه
و نازل تعتذرلى
اه
و انت مالك تعتذر ليه
عشان ما تزعليش
اطلع الفصل يا محمود
لأ مش هاطلع غير لما توعدينى انك هاتطلعى الحصة الجايه
لأ مش هاطلعلكم تانى غير لما يعتذرولى الأول
حاضر هما عايزين ينزلوا بس خايفين
لأ مش هايعتذروا هنا يعتذروا قدام المدرسه كلها
ازاى
فى الاذاعه
فين
فى الاذاعه
حاضر يا ميس ده حضرتك تؤمرى
ماشى
و فعلاً فى الاذاعة طلع ولد من الفصل و اعتذر
و لما جه معاد الحصة التانية لقيت محمود جايلى قبل الحصة
قلت له فى ايه
جاى اخدك
تاخدنى ايه يا ابنى ما انا طالعه خلاص
طب هاتى الكشكول و الاقلام
ليه
هاشيلهملك
ماشى خد اهم
طب اطلعى بقى قدامى
يا ابنى اهمد بقى و اطلع
لأ مش هاطلع الا معاكى
خلاص بس استنى خد معاك الخرطوم كمان
حاضر يا ميس
طلعت الحصة لقيت السبورة ممسوحه و لقيتهم و اقفينلى على باب الفصل
فى ايه
مستنينك
ليه
عشان نعتذرلك
خلاص ادخلوا
لأ لما تضحكى الاول
مش هاضحك و ادخلوا
لأ هاتضحكى
لقيت الناظر بيقولى فى ايه يا ميس الوقفه دى
ما فيش داخلين اهوه
ادخلوا بقى ما تجيبوليش الكلام
لما تضحكى
و الله هانزل تانى
محمود قاللى كشكولك و اقلامك معايا
اشبع بيهم
خلاص خلاص هاندخل اهوه عشان سحس بمب ده يهمد ( يقصدوا الناظر )
و دخلوا و دخلت معاهم
و حاولوا يضحكونى شوية نكت و استظراف و ايه الجمال ده و مش لايقة عليكى التكشيرة و كده يعنى
و الله لو ما سكتوش هانزل تانى
فطلع ولد وقف بينى و بين السبورة و قاللى مش هادخل غير لما تضحكيلى
مش هاضحكلك
طب توت توت يا رب اموت لو ما ضحكتى
ادخل يا عم اللمبى
راح قاعدلى على الأرض و قاللى مش داخل و اضحكى بقى
لالالالالالالالالالالالالالالالالالا انا اساساً قرفانه منكم يعنى ما حدش هايدخلوا
طلع واحد و قاللى يا ميس من عينيا الجوز و مناخيرى اللوز
و سحب الواد من قفاه و دخلوا مكانه
و انا كتبت الدرس و بعد شوية هزار و كده قدرت اشرح الدرس
و لما جيت نازله قالولى خلاص مش زعلانه
خلاص
مع السلامه
سلام

بس تصدقوا قدروا يقنعونى ما اسيبش المدرسة
الظاهر انى اتعودت على رخامتهم خلاص
الرجوع الى أعلى الصفحة اذهب الى الأسفل
https://thetalk.1talk.net
 
يوميات مدرسة كمبيوتر الحلقة الثامنة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلي كلام :: مجلة حكايات غريبة-
انتقل الى: