حكايتي مع حماتي 2

بعد المصيبة اللي جاتني على غفلة من دون أي داعي
زقتني حماتي و دخلت الشقة و حطت شنطة الهدوم و دخلت على غرفة النوم
أنا لما شفت كده قلت النكد باين من أوله , دخلت لقيتها مصحية سنية و هرياها بوس
و جت سنية سألت أمها السؤال اللي في بالي سنية : في إيه يا ماما , في حاجة؟
راحت قايلة حماتي و هي بتبص عليا بخبث حماتي : و لا حاجة يا بنتي أنا جاية بس أعيش معاكو .
أعيش معاكو!!!!!!! لاااااااااااااااااااااااااا , مستحيل مش مصدق وداني
لا لا لا لا ,أكيد في حاجة غلط يا ولاددي ليها شقة ملك و ساكنة فيها و مفيش عليها ديون
ثم إحنا لسه يا دوب مكملناش يوم جواز !!!! , إزاي يعني كده ؟
رحت قايل ليها بسرعة العبد لله ( أنا ) : طيب و شقتك يا حماتي راحت قايلالي حماتي : بعتها إمبارح. أنا : نعم !!!!! بعتيها!! طيب ليه !!!
راحت ردت عليا برخامة حماتي : أصلي معرفش أسكن لوحدي.
يا سلالالالالام !! متعرفيش إيه ياختيأمال بعد ما مات المتدهول على عينيه كنت عايشة إزاي !!!!
آآآه ياما , تعالي شوفي خيبت إبنك , يا شماتة صحابي فيا إيه اللي بيجرالي يا جدعان
مستحيل , لالالا , أكيد أنا بحلم أيوة بحلم و هفوق كمان شوية و الاقي سنية جنبي
بس على مين , طااااااااااااااااااااااااخ , آآآآآآآآآآآآآآآآخ إيه ده
ببص كده و ما لقيت إلا حماتي رميت عليا قزازة ميةو بتقولي اللئيمة كمان حماتي : روح حضر لينا الفطار بسرعة اصلي جعانة
أنا سمعت كلمة فطار و عقلي طار , دي أخدت على الجو بسرعة عايزاني ابقى خدام ليها
و قلت لازم أوقفها عند حدها من الأول بس ما لقيت سنية إلا و هي قايلة سنية : خلاص أنا هقوم و أحضره
هي قالت الكلام ده من هنا و أنا بصيت لحماتي بحقد من هناإذا كان ده من أوله أمال بعدين هيحصل إيه
راحت قاعدة على التلفزيون و مشغلة مسلسل تافه كالعادة و معلية الصوت كمان!!!
دي كمان بتتحدى فيا!!!!
المهم فطرنا و مر اليوم الأول على خير مع بعض العكننة من اللي الله يوريني فيها يوم حماتي : : عايزة ده , شيل ده و حطه هناك , هات ده , رايح فين , جاي منين و اللاذي منه
جاه بقى الليل على خير و جاه وقت المباراة اللي بقالي شهر بستنى بيها
مباراة كرة القدم بين الريال و البرشا مسكت الريموت كنترول عاوز اغير القناة علشان المباراة
و ما لقيت إلا حماتي بتزعق و بتنده عليا و بتقولحماتي : ممنوع تتفرج!!!!!
أنا : ممنوع إيه يختي , انا عاوز اتفرج على المباراة دلوقتي ردت عليا بصوت رخم و قالت ليا حماتي : روح عندك أمك شوفها!!!
يا حلاوة يا عيال!!!! اروح عند امي!!! يا سلام سلم دي الرخمة بتتكلم!!!
جيت علشان اشتمها لقيت سنية جاية بيني و بينك انغميت و قلت هو ايه ذنب سنية علشان ادخلها في مشاجرة دلوقتي.
لبست هدومي و انا متنكد و نزلت القهوة و حضرت المباراة على خير .
رجعت بالليل و قمت عاوز ادخل غرفة النوم انام ما لقيت إلا فرشة و مخدة و بطانية بره.
إستغربت و قلت أنا : هو فيه إيه و فجأة طلعت حماتي و قالت ليا حماتي : نام بره يا خفيف!!!!
يا حلاوة يا حلاوة !!!! دي بتطردني من اوضتي كمان!!!!يا ناس يا هو !!! ما فيش حد يقدر يريحني من حماتي و انا اديه عمري!!
حطيت راسي على المخدة و انا مهموم و بفكر ببكرة
هعمل إيه , من أولها نكد يا ربي , و الله حرام
أنا قلت بس الله يسترنا و تعملناش مصيبة تانيةو ما لقيت نفسي إلا و انا نايم ....

الى اللقاء فى الجزء الثالث