مذكرات جزمه شيك جدا

مذكرات جزمه شيك جدا


السبت
النهاردة فى حاجة غريبة بتحصل00كل الجزم بتبص عليا00حتى عمال المصنع نظراتهم غريبة اوى000مش عارف ليه000وشوية وجت عربية وشالونى وحطونى جوة العربية انا وشوية جزم تانية000ايه القرف دة 00معقولة احلى جزمة فى الدنيا تتشال كدة00وتتحط مع الجرابيع دول000وشوية والعربية وصلت ادام محل حلو اوى00شالونا وحطونا جوة المحل000
ايه اللى بيحصل دة00دول حاطو فوق منى جزم كتير اوى000دى نهاية العالم000

الاحد
المحل قافل وانا حاسة بالزهق000ايه دة مش معقول دول هيلعبو لعبة جزم وشارابات وخلونى شراب000امتى ييجى اليوم اللى اخلص فيه من المحل المعفن دة

الاثنين
دخل المحل النهاردة راجل معفن اوى000وهدومه مقطعة00سأل صاحب المحل عن اسعار الجزم000كان رد صاحب المحل صدمة كبيرة00لانه قاله الاسعار بتبدأ من 60 جنيه لغاية 1500جنيه00يا خبر ابيض00يعنى انا ارخص جزمة فى المحل000عشان كدة لما لعبنا خلونى شراب000الراجل المعفن طلب جزمة مقاس 42 ولونها اسود وسعرها 60جنيه000يا مصيبتى يامة دة انا 00ايه النحس دة00وحصل اللى كنت خايفة منه000صاحب المحل الله يحرقه شالنى وادانى للراجل

الثلاثاء
اصدقائى القراء00المكان اللى انا قاعدة فيه دلوقت عبارة عن خرابة معفنة000تصورو انا انضف حاجة فى الشقة000والراجل اللى اشترانى00واللى عرفت اسمه00اسمه عادل00تقريبا عادل عمر000قرر انه هيلبسنى النهاردة000انا بفكر انى انتحر000اى اى اىاييييييييييييي
بالراحة يا جدع000انت اول مرة تشوف جزمة حلوة اوى000يا خبر اسود00ايه الريحة دى000يا واقعة سودة00دة مش لابس شراب000وريحة رجله عبارة عن قبر مدفون فيه ميت من تمانين سنة000مش ممكن انا هموت من القرف000انا بتخنق00حرام عليك يا عم00انت معندكش اخوات ولا ايه000انا قررت انتحر خلاص000مش قادرة اتكيف مع الرمة اللى لابسنى000انا هدوس على اقرب مسمار اقابله عشان اخلص من ال اللى لابسنى00ويقولك اسمه عادل عمر لالالا دة اسمه ( عامل قرف )
الوداع00جزمة كانت حلوة اوى

الاربعاء
النهاردة اول يوم ليا فى الدنيا000رغم انى اتولدت امبارح000بس المصنع كتب على العلبة الشيك بتاعتى انى اتولدت النهاردة
اسمحولى بقى اكلمكم عن الحالة اللى انا فيها دلوقت000وكمان بالمرة اوصف لكم نفسى
انا جزمة شيك (شيك اوى)00مقاس 42 لونى اسود من غير كعب
اما عن العلبة اللى حاطنى فيها000يا عينى00حدث ولا حرج00ايه الحلاوة دى00صحيح يا ولاد علبة وقيمة00ولا السعر اللى مكتوب0000يا لهوى يا لهوى 000والله مكتوب على العلبة 60جنيه00سيدى يا سيدى

الخميس
انا فرحانة اوى النهاردة لان عمال المصنع شالونى وحطونى فوق كل العلب التانية000هوة دة الكلام ولا بلاش000هوة انا شوية ؟
والله اللى بيحصل دة عادى ومش كتير عليا00مش كتير على اغلى جزمة فى الدنيا
ودلوقت عن اذنكم00عشان رايحة اتفرج على السهرة00وانتو عارفين ان اليوم الخميس000يعنى اكيد السهرة مسرحية000يا رب تكون مسرحية العيال كبرت وعايزين جزم جديدة

الجمعة
المصنع النهاردة اجازة00انا قمت من النوم متأخرة00وجسمى كله مكسر من سهرة امبارح000وقررنا انا وباقى الجزم نلعب لعبة جزم وشاربات وعلى فكرة دى شبه لعبة عسكر وحرامية00يا عينى على الدلع الزم كلها خلونى جزمة مش شراب اومال ايه هو انا شوية