احلي كلام
حكايتي مع حماتي 3 613623

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا حكايتي مع حماتي 3 829894
ادارة المنتدي حكايتي مع حماتي 3 103798

احلي كلام

منتدى احلي كلام يهتم بالصور والأفلام والأغاني و الموضوعات موضوعات دينية وسياسية وثقافية
 
الرئيسيةالبوابةالتسجيلدخول
حكايتي مع حماتي 3 Raj87729
حكايتي مع حماتي 3 MCt82324
حكايتي مع حماتي 3 KEu79455
حكايتي مع حماتي 3 QEB83471
حكايتي مع حماتي 3 Gtd83666
حكايتي مع حماتي 3 YcY84836
حكايتي مع حماتي 3 INY85743
حكايتي مع حماتي 3 HnZ85988
حكايتي مع حماتي 3 Oop86415
حكايتي مع حماتي 3 Xe786642

 

 حكايتي مع حماتي 3

اذهب الى الأسفل 
كاتب الموضوعرسالة
محمد عبد السميع
Admin
محمد عبد السميع

عدد المساهمات : 282
تاريخ التسجيل : 17/07/2009

حكايتي مع حماتي 3 Empty
مُساهمةموضوع: حكايتي مع حماتي 3   حكايتي مع حماتي 3 Icon_minitimeالجمعة أغسطس 21, 2009 10:35 am


حكايتي مع حماتي 3


مرت الأيام و أنا مهموم و متنكد من حماتي , ساكتة و مش جاية فيا أبدا ربنا يستر أصل المصايب ما بتجيش إلا مرة واحدة و طلباتها كمان قلت جدا و صوتها بقى حنين على الاخر إذا فلترحمنا السماء مما قد يأتي في القادم.
فجأة في يوم مشمس من ايام الصيف الجميل جات ليا حماتي و هي تبتسم قلت أنا : يا حفيظ !!!! الله أعلم إيه اللي ورا الإبتسامة دي رايحة قايلالي كده بهداوة و راحة بال حماتي : إيه رأيك بالجو السنة دي؟ سؤال غريب و عادي من مرأة ليست عادية , المهم قلت ليها أنا : و الله الجو جميل جدا و مشوق رايحة قايلالي فجأة اللئيمة حماتي : إيه رأيك نصيف السنة دي في شرم يا طلال؟ اهااااااااااااااااااا , أنا قلت برضه الحب و الحنية دي مش لله في لله طيب لما نشوف بعدين , فجأة برضه ( أصل المفاجآت و المصايب ما بيجوش إلا في وقت واحد ) جات سنية و معاها أختها و رايحين قايليلني سنية و أختها (معا في أن واحد): طلالو ده انت حبيب قلبنا , أكيد هتاخدنا على شرم أكيد و راح الكل بيكلمني و بيترجى فيا علشان اخدهم شرم و أكيد هنا , في هذا الموقف الحرج للأسف وافقت و يا ليتني ما وافقت إلا أنه راحت مني إلتفاتة لحماتي لقيتها بتتبسم إبتسامة شيطانية قلت في نفسي رحنا في داهية!!
اليوم التاني نايم في أمان الله و فجأة صوت الرفع و الخبط و الضرب فوق دماغي يا ساتر هو فيه إيه , قمت و رحت الصالة لقيت شنط و عدة و كل حاجة للسفر أنا : إيه هو فيه إيه , أخيرا قررتي يا حماتي تسبيني في حالي ببص كده ... إيه ده!!! دي شنطي أنا و سنية و حماتي أنا : إيه!!! هو انتي بعتت شقتي كمان يا حماتي حماتي : لا يا روح أمك يلا إلبس إحنا طالعين على شرم أنا : يا سلام!!!!! و انا طرطور كده , خدوا رأيي على الأقل يا رزلين !!! حماتي : يلا إلبس بدون أي غلبة ياض!!! أنا : ياض!!!ده انتي طلعتي ولية رخمة و صايعة أوي!!!! .
طلعنا بالعربية بتاعتي و على الطريق الصحراوي , طبعا ما فضلوش رغي فوق وداني ( مش ستات يا عم ) وصلنا شرم و أتاري حماتي اللئيمة مستأجرة شالية على حساب الحمار اللي معاها !!! دخلنا و وضبنا هدومنا و نزلنا البلاج على طول و ما شاء الله حماتي زي عنتر اللي شايل سيفه واقفة لكل واحد بيعدي من قدامنا أو ييجي ناحيتنا طبعا ما أقولكمش عن الأكل و الشرب اللي على عينك يا تاجر و على حسابي لا و من الغالي كمان و كأنها شجرة الدر في غير زمانها !!! طبعا قضيت كالعادة أسوأ أيامي أسبوعين كاملين واكلين شاربين نايمين متفرفشين صايعين على حسابي حتى وصلت لدرجة إني مش قادر أقرب من سنية كالعادة و لا حتى بوسة أو لمسة !!!!! و ممنوع أطلع من الشاليه بعد الساعة 9!!!! و الله حاسس نفسي إني في معسكر للجيش!!
المهم يا إخواني خلص المتعوسين قصدي الأسبوعين على شر قصدي على خير طلع الكل العربية و رحت أحاسب , طلعت بتلقائية 3000 جنيه و ما لقيته إلا و هو بيقولي الحساب 13000 جنيه!! أنا : نعم يا روح أمك 13000 ليه!!!! هو أنا طالع تركيا و لا إيه !!! راح المحاسب و رجع و راح مديني قايمة طويلة عريضة و قالي إتفضل ببص كده و .... إيه ده !!!! المحاسب : دي الطلبات اللي إتقدمت يا فندم.
تنظيف غرفة , جاكوزي !!!! مأكولات 8000 جنيه!!!! و قال بيقولوا ساعدوا إخوانكم في الصومال الشقيق!!!! مساج , .... مساج!!!!! انا : مين اللي ماخد المساج ده! المحاسب : حماتك يا بيه؟؟؟ ما شاء الله دي كمان ماخدة مساج! يعني على الحلاوة التي تتمتع بها حماتي ولا خايفة على الرشاقة و القوام الجميل ! حسبي الله و نعم الوكيل!!! طيب يا اخينا, قلتله و قلبي بيتقطع أنا : بتقبلوا بالفيزا في الدفع على الطول الكلب رد عليا و قال المحاسب : لا!!!! لازم كاش يا بيه !! دفعت الحساب وقلبي بيتقطع وكأنهم نزعوا قلبي ,لا يا ريتهم شالوا قلبي يكون أحسن!!!! سلمت أمري للي خلقني و طلعت العربية و قعدت ادعي من كل قلبي إنه ربي يخلصني من المصيبة حماتي و إنتهت العطلة المنيلة على شر بحمد الله و معاها راحت تحويشة العمر حسبي الله و نعم الوكيل.

الى الليقاء فى قصة اخرى باذن الله اقعدوا بلعافية
الرجوع الى أعلى الصفحة اذهب الى الأسفل
http://thetalk.1talk.net
كنزى مصطفى



عدد المساهمات : 16
تاريخ التسجيل : 11/08/2009
العمر : 31

حكايتي مع حماتي 3 Empty
مُساهمةموضوع: رد: حكايتي مع حماتي 3   حكايتي مع حماتي 3 Icon_minitimeالثلاثاء سبتمبر 22, 2009 1:24 pm

الله يكون فى معاكم يامتجوزين
الرجوع الى أعلى الصفحة اذهب الى الأسفل
 
حكايتي مع حماتي 3
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلي كلام :: مجلة حكايات غريبة-
انتقل الى: