حمار بيقول لخطيبته امتى هنتجوز ياحمارة قالت له لما تحسن الفاظك ياحيوان
محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ
انسطل اطفيها انام
مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف
الديك لما شاف البيض فى شم النسيم .. راح للطاووس وقتل
سباك ضرب مراته (بكوعه) كسرلها (الحوض)
مرة مجموعة نمل كل شوية يعدى الفيل و يهدم بيوتهم
فقرروا لما ييجى الفيل يهجموا عليه و يموتوه
فلما جاء الفيل هجموا عليه فهز جسمه وقعوا كلهم معادا واحد اتعلق فى رقبته
فقالوا له اخنقوا يا فوزى اخنقوا يا فوزى
مدرس سأل طالب بلدياتنا، لما تكبر هاتكون إيه؟ قاله: عجوز طبعا!!
************
واحد بلدياتنا اتصل بالاستعلامات قال لهم إديني رقم المطافي،
الموظف قال له: 999
قال: يعني تلات تسعات؟
الموظف قال: أيوة تمام
قال: طيب أنا ماعنديش غير تسعة واحدة في التليفون.
قال له: والله إنك صعيدي صحيح.
قال له، ياعفريت، تلاقيك مركب كاشف
************
بلادينا قال لصاحبه: بتشرب قهوة بالليل؟
صاحبه قال له: أنا إذا شربت قهوة بالليل ما أقدرش أنام
بلدينا رد: أنا بقى عكسك، إذا نمت ما أقدرش أشرب قهوة
************
بلدينا بيفتح الثلاجة على مهله وببطء شديد ليه؟
عشان يكتشف مين بيفتح النور
************
بلدينا بيسأل صاحبه: هو الشيخ عبدالباسط عبدالصمد أخو الشيخ محمد متولي الشعراوي؟
قال له: يا أهبل ... ده مجرد تشابه أسماء
************
واحد بلدينا اتهموه بالذكاء ... طلع براءة
************
واحد بلدينا كلما يخلف ولد يموت، اتفق هو ومراته إذا جالهم ولد يسموه مبروك
يوم ما ولدت مراته، طلعت الممرضة، بيسألها، ها؟ إيه اللي حصل؟
قالت له: ألف مبروك يا حاج
رد قال: يا بووووي .... هأصرف عليهم منين دول كلهم؟
************
واحد بلدينا ماشي ع الرصيف
شاف واحد سأله: هو فين الرصيف الثاني؟
رد عليه: الناحية الثانية
بلدينا قال: حاجة تدوخ!! ... والله أنا سألت الناحية الثانية قالو لي هنا!!
************
واحد بلدينا عايز يعمل عملية انتحارية، قام دخل مطعم وضرب نفسه بسكين
تلاتة زباين ماتوا من الضحك!!!
************
تلميذين من بلدياتنا وصلوا المدرسة متأخرين
سأل الأستاذ واحد منهم كان بيعيط قوي: إيه اللي جابك متأخر كدة
قال وهو بيعيط: أصل الشلن بتاعي وقع مني وكنت عمال أدور عليه علشان ماعييش غيره
فسأل الثاني: طيب وإنت بقى كنت بتدور معاه برضه؟
قال: لا يا أستاذ، أنا كنت دايس ع الشلن برجلي !!
************
تسعة بلدياتنا حبوا يبقوا مشهورين، كونوا فرقة وسموا نفسهم ثلاثي أضواء المسرح
************
واحد في مأتم واحد بلدينا مات امبارح، بيسأل، هو بلدينا مات بإيه؟
رد عليه اللي جنبه: حط إيده في برميل مية نار
قال له: طيب وهو اللي يحط إيده في برميل مية نار يموت؟
قال له: لأ، ماهو لما مالاقاش إيده ... دخل راسه في البرميل عشان يدور عليها!!
************
بيقولك ليه بلدينا بيكون ذكي لما يطلع من الصعيد؟
علشان بيكون خارج نطاق التغطية
************
بلدينا من سوهاج سمع في النشرة إن فيه عاصفة جاية على سوهاج، كتب على مدخل المدينة: مرحبا بك في أسيوط
************
واحد بلدينا اتصل بالمطافي وقال لهم: إيه؟ هو يعني لو مافيش حريق مانشوفكمش خالص كدا؟
************
واحد بلدينا بيقول لواحد ثاني: عيني اليمين واجعاني قوي يابوي وكل ماافتحها أشوف نقط سودا
قال له: طيب شفت دكتور عيون ؟
قال له: يا بني آدم باقول لك شفت نقط سودا
************
واحد ياباني شغال في مشروع في قبلي، قام فات على بقالة عشان عايز يشتري عشر علب بيبسي،
قال لبلادينا: كوميهاني سيبة موفا كالاو بيبسي
بلدينا رد عليه: بتقول إيه؟ عايز عشر علب إيه؟
************
بلدينا راح عند القصر الجمهوري وكلم العسكري اللي هناك
قال له: أنا عايز أترشح لرئاسة الجمهورية
قال له العسكري: إنت حمار ولا إيه؟
بلدينا قال له: ليه؟ هو شرط يعني؟؟؟؟
************
بلدينا ماشي في جنازة
سأل واحد: هو المرحوم كان بيشتغل إيه؟
قاله : كان تربي
بلدينا قال: سبحان الله ... من حفر حفرة لأخيه وقع فيها
************
واحد صحفي بيسأل بلدينا: نسبة البطالة عندكم قد إيه؟
بلادينا : والله الصعيد كله أبطال.
************
إيه اللي بيكون مكتوب داخل أحذية بلدياتنا؟
ورقة مكتوب عليها: أدخل الأصابع أولا.
اخترعوا في امريكا آله بتمسك الحرامية
جربوها في امريكا خلال 30دقيقه مسكت20 حرامي
في انجلترا خلال 30 دقيقه مسكت 50 حرامي
في اسبانيا خلال 30 دقيقه مسكت 65 حرامي
في غانا خلال 30 دقيقه مسكت 600 حرامي
في مصر خلال 15 دقيقه الماكينه اتسرق
واحد يقول لصاحبه
فيك من يكتم السر
قال سرك في بئر
قال عاوز سلف عشرة جنيه
قاله ولا كأني سمعت حاج
واحد قال لابنه روح شو ف النتيجة ولو نجحت هذبح لك خروف... لما رجع قاله عملت ايه يا ابنى قاله الخروف اتكتبله عمر جديد
موضوع: نكت في نكت 
الأربعاء يوليو 22, 2009 8:57 pm
