احلي كلام
حلم ..مع إيقاف التنفيذ ! للشاعر محمد أبو زيد الاسيوطي 613623

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا حلم ..مع إيقاف التنفيذ ! للشاعر محمد أبو زيد الاسيوطي 829894
ادارة المنتدي حلم ..مع إيقاف التنفيذ ! للشاعر محمد أبو زيد الاسيوطي 103798

احلي كلام

منتدى احلي كلام يهتم بالصور والأفلام والأغاني و الموضوعات موضوعات دينية وسياسية وثقافية
 
الرئيسيةالبوابةالتسجيلدخول
حلم ..مع إيقاف التنفيذ ! للشاعر محمد أبو زيد الاسيوطي Raj87729
حلم ..مع إيقاف التنفيذ ! للشاعر محمد أبو زيد الاسيوطي MCt82324
حلم ..مع إيقاف التنفيذ ! للشاعر محمد أبو زيد الاسيوطي KEu79455
حلم ..مع إيقاف التنفيذ ! للشاعر محمد أبو زيد الاسيوطي QEB83471
حلم ..مع إيقاف التنفيذ ! للشاعر محمد أبو زيد الاسيوطي Gtd83666
حلم ..مع إيقاف التنفيذ ! للشاعر محمد أبو زيد الاسيوطي YcY84836
حلم ..مع إيقاف التنفيذ ! للشاعر محمد أبو زيد الاسيوطي INY85743
حلم ..مع إيقاف التنفيذ ! للشاعر محمد أبو زيد الاسيوطي HnZ85988
حلم ..مع إيقاف التنفيذ ! للشاعر محمد أبو زيد الاسيوطي Oop86415
حلم ..مع إيقاف التنفيذ ! للشاعر محمد أبو زيد الاسيوطي Xe786642

 

 حلم ..مع إيقاف التنفيذ ! للشاعر محمد أبو زيد الاسيوطي

اذهب الى الأسفل 
كاتب الموضوعرسالة
الشاعر محمد أبو زيد



عدد المساهمات : 2
تاريخ التسجيل : 09/08/2009

حلم ..مع إيقاف التنفيذ ! للشاعر محمد أبو زيد الاسيوطي Empty
مُساهمةموضوع: حلم ..مع إيقاف التنفيذ ! للشاعر محمد أبو زيد الاسيوطي   حلم ..مع إيقاف التنفيذ ! للشاعر محمد أبو زيد الاسيوطي Icon_minitimeالخميس أغسطس 13, 2009 3:16 pm

حلم مع إيقاف التنفيذ / للشاعر محمد أبو زيد الاسيوطي
و بحاول أدور علي نفسي
وسط المخاليق
مش بلاقيني
وبدور تاني علي كياني
وفي أي طريق
علي ضي نهار
يثبت لي إن انا
عايش بحقيق
أو كلمة حب تبل الريق
طارت عصافير
الأحلام من أغصاني
معدتش تغني ولا تزقزق
ولا أي عبير
عاد يتصدق
ولا أي نسيم
ولا نغم الحب في الحاني
بيقول تقاسيم
وارجع تاني رغم التعتيم
اللي في شمسي
اضحك علي نفسي
وأتبسم
وانده ع القمر
المتخبي جوه الدهاليز
بعد التركيز
بيرد صداة
حلمك مش قابل للتنفيذ
مش بستسلم
من بين كراكيب يأسي
بلملم
بعض الأفكار اللي أتخنقت
علي باب مقفول
وغرام في الروح اللي أتحرقت
وأمل مقتول
وبيتألم
من عزم الريح
وقصور أحلام
بدأت تنهار في ظلام الليل
اللي معتم
وأنا لسه برتل
قرآني
واقري التسابيح
وبحاول تاني أني
أنا ارسم
لوحة من الحلم
اللي أتهدم
تطلع شخابيط
والقي الوطاويط
علي كل جدار
غاوية التنطيط
لو خطوتي حاولت تتقدم
يتقطع الخيط
اللي ما بيني وبين
الأحلام
بعد المشوار
اللي ضانيني بلاقيني
جريح
مطعون بالسهم
اللي قتليني ميت مرة
زمان
وبحاول آخذ أنفاسي
يطلع دخان
بيخلي النار المكمورة
جوايا تشيط
وزماني يعيد نفس الصورة
والحزن شريط
غاوي التكرار مليون مرة
علي شاشة قلبي
اللي أتحرقت جوه وبرة
وأنا لسه شباب
وكلاب مسعورة
بتتسابق
جوه السراديب
علي مين هيفوز
وأنا المنبوذ
مكسور وطريد
من جنة أحلامي
العالية لطريق العوز
اللي ماشيني
بالطول والعرض
مين يشرب دمي
في شراييني
ويصلي الفرض
علي روح أراجوز
مرمي
علي الأرض
ويحلي بلحمي
المجزوز
ومعلق
فوق الأبواب
ويبارك روحي المدشوشة
في رحاية القهر
وكرامتي المنهوشة
في كوشة وفي عز الضهر
بدأت تتزف علي
احلي عريس
علي سيمفونية من الأحزان
يرقص وياي ويتراقص
دمعي اللي أتهان
من غير أحاسيس
علي لحن عذاب
مع صوت إبليس
مين فيكم بس القرداتي
اللي جايب لي اللوز
علشان اتنطط
قدامه
مانا لسه عبيط
وكمان كداب رغم التخبيط
اللي كاسرني
والهم اللي في سجنه أثارني
أنا مش مهزوز
لساني بعيش مفرود البوز
من غير كراميش
وبنام واحلم بمطر وسحاب
رغم التهبيش
بحلم والحلم لأمثالي
ولا باب ولا شيش
ولا حتى يجوز
وعشان درويش
أنا حلمي بسيط
بحلم لو أكون
إنسان فعلا
من غير لا شروط
ولا أي خنوع
واغني نشيد الحرية
علي ورق التوت
وبصوت مسموع
بحلم بالفجر اللي بيدين
والضلمة تفوت
من غير لا رجوع
ولا حتي سلام
بحلم بسلام
عدل وقوة مش استسلام
وكمان مشروط
بحلم بوليد يحمل اسمي
من بعد الموت
بحلم بالقوت اللي يكفي
بحلم بوطن
يجي في صفي
ويعيش مبسوط
بحلم وبفوق
علي نفس الصوت
كفياك تعجيز
حلمك مش قابل للتنفيذ
الرجوع الى أعلى الصفحة اذهب الى الأسفل
 
حلم ..مع إيقاف التنفيذ ! للشاعر محمد أبو زيد الاسيوطي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلي كلام :: المنتدي الادبي :: اشعار-
انتقل الى: